ليكون أول لقاء له مع جماهير النادى المصرى من خلال موقعنا . نقدم تقرير كامل عن محمد عثمان الشهير ببليه
بياناتك الشخصية ؟
الأسم : أحمد عثمان محمد
اسم الشهرة : البلية
ت . الميلاد : 30/3/1987
بدايتك كانت ازاي ؟
لعبت في نادي الفرما وانا عندي 12 سنة وبعدها انتقلت للمريخ بمبلغ 6 الاف جنيه لعبت 6 شهور في ناشئين المريخ وصعدت للفريق الأول وانا عندي 14 سنة ولعبت اساسي وانا عندي 16 سنة . وكان المريخ وقتها في الممتاز ب وبعدها انتقلت للمصري بـ 200 الف جنيه بداية من الموسم الجديد لمدة 4 سنوات
الألقاب اللي حصلت عليها ؟
هداف دوري 20 وانا عندي 16 سنة وحاليا انا هداف المريخ ودوري الدرجة الثالثة برصيد عشر اهداف
لأندية التي دخلت في مفاوضات لشرائك ؟
انبي والأسماعيلي وبتروجيت والمصري طبعا ولكن الأستاذ سيد متولي رئيس النادي ونور الرمال وكابتن مسعد نور هما اللي اقنعوني بالتوقيع للمصري للعب بأسم بورسعيد وربنا يوفقني واعمل حاجة كويسة للنادي
لعبت لمنتخبات ؟
منتخب بورسعيد 16 سنة واخدنا تالت اولمبياد الجمهورية ومنتخب القناة وتصفيات منتخب مصر تحت 18 سنة
بتحلم تلعب لنادي ايه ؟
الأرسنال الأنجليزي
اجمل اهدافك ؟
في مرمي محمد صبحي حارس الأسماعيلي كان ماتش ودي بين المريخ والأسماعيلي والأسماعيلي بيلعب بكامل نجومه وهدفي كان التعادل للمريخ في الدقيقة الأخيرة من اللقاء وفيه جون تاني في القناة كان هدف الفوز وكان في الدقيقة الأخيرة برضه من اللقاء كان في الممتاز ب
مثلك الأعلى ؟
مسعد نور من النادي المصري ومحمد ابو تريكة من مصر وهنري عالميا
المدربين اللي ادربت معاهم ؟
في الفرما كابتن محمد الطناوي وعبده الشابوري وفي المريخ حسام غويبة وطارق الصاوي
كلمة للمصري وجمهور المصري ؟
المصري ان شاء الله يرجع لمجده بأبناء بورسعيد واطالب جمهور بورسعيد بالوقوف خلف الفريق
كلمة للموقع ؟
بشكر الموقع جدا انه بيعرف الجمهور بينا واخبار النادي دايما اول بأول من مصادرها الموثوقة وربنا يوفقكم
مع تحياتى عاشق النادى المصرى
محمد عرفة